Jumatano Agosti 2, 2017
Juma la 17 la Mwaka

Kut 34:29-35
Zab 99:5-7, 9;
Mt 13:44-46


KUTAFUTA LULU YA THAMANI KUBWA

Kiini cha dini ni sala; ni njia ya kuungana na Mungu. Katekisim ya Kanisa Katoliki inatuambia kwamba “sala ni njia ya kuinua akili na mioyo kwa Mungu au kuomba mambo mazuri kutoka kwa Mungu”. Huku kuinua mioyo ni kuinua yote na akili zote, tamaa zote na upendo wetu wote kwa Mungu. Lakini mara nyingi tunajikuta tunajikita kwenye vitu kuliko Mungu.

Ufalme wa Mungu sio sehemu, bali Mungu mwenyewe; ni mbinguni na umilele wote; ni muunganiko na Mungu. Nikushiriki mafumbo ya Pasaka ya Kristo. “Na kama kushiriki huku nikuwa mkamilifu tunapaswa kujikita kwa Mungu na kuacha yale yote yanayotuweka mbali na Mungu. Mungu awe kilele cha maisha yetu aweze kutubadilisha kabisa” (Mt. Bonaventura).

Na hili ndilo tunalo alikwa kulifanya kila siku, kuacha yale yote ambayo hayaendani na Mungu na hivyo kujikabidhi kwa Bwana. Kama Bwana ndiye lulu yako ya kweli, achana na yote yanayo kutenga na Bwana.

Ufalme wa mbinguni unafananishwa na “mfanya biasha anayetafuta lulu nzuri” ufalme huu unapatikana katika kuutafuta kwetu. Tunatafuta mafumbo ya ufalme wa Mungu na ni katika kuutafuta huku tunakutana na Ufalme wa Mungu. Kama mafumbo ya Mungu tutambue kabisa kwamba hatuwezi kumpata Mungu na kumuelewa katika ukamilifu wote. Ni wazi tutampata na kumtambua na kumpa maisha yetu. Lakini hatuwezi katika ukamilifu wote. Ukweli ni kwamba tunavyo mtafuta Mungu zaidi na kumpata ndivyo tunavyozidi kumtafuta zaidi na zaidi. Na kufunuliwa huku kunatuvuta karibu zaidi na Mungu na hivyo kutafuta ufalme wake. Tunapaswa kutumia maisha yetu katika kuutafuta ufalme huu zaidi na zaidi. Na hili ndilo tutakalo fanya mbinguni. Mbinguni itakuwa ni muda wa Ufunuo kamili wa Utawala wa Mungu katika ukamilifu wake, na tutatambua kuwa tutaingia zaidi katika umoja na Mungu na katika uwepo wake wa utukufu.

Tutafakari wote, leo, juu ya kutafuta kwetu ufalme wa Mungu katika maisha yetu. Je, ni hali ya wazi ya kumtafuta Mungu? Jitahidi kumtafuta Mungu katika ukamilifu wote na utagundua kwamba kumtafuta huku ni kutambua utukufu wa ufalme wa Mbinguni.

Sala: Bwana, ninakupenda wewe na ninatamani kukupenda wewe zaidi na zaidi. Tafadhali nijaze mimi kwa matumaini ninapo kutafuta wewe. Ninaomba kukutatufuta kwa moyo wote kunifunulie mafumbo ya utukufu wa maisha ya ndani pamoja nawe. Ninapo kutambua wewe, nisaidie mimi niweze kukuamini wewe zaidi na zaidi. Amina