Alhamisi, Septemba 12, 2019.
Juma la 23 la Mwaka wa Kanisa

Jina Takatifu la Maria

Kol 3:12-17;
Zab 150: 1-6;
Lk 6: 27-38

Mitazamo ya juu

Mtazamo wa Mt. Paulo kwa wabatizwa ni kuwa, wabatizwa ni wateule wa Mungu. Wabatizwa wote, tunatakiwa kuishi kulingana na utambulisho wetu kwa kuishi maisha yenye ukarimu, upendo na utakatifu. Mungu ametufanya tuwe sehemu ya mwili wa mwanawe ‘Yesu Kristo’ ili neema yake itufikie kwa pumzi na damu yake takatifu. Hivyo katika maisha yetu lazima tuwe na upendo, wema, uvumilivu na ukarimu.

Injili ya leo pia inatuita kuwapenda maadui zetu. Huu ndio ukristo wa kweli. Tumeumbwa kwa sura na mfano wa Mungu, hivyo lazima tuwe na huruma kama baba yetu wa mbinguni alivyo na huruma. Hii ndiyo namna ya kushiriki utukufu wa Mungu: ‘malipo yenu yatakuwa makubwa na mtaitwa wana wa Mungu’.

Kumfuasa Mwenyezi Mungu

Yesu anatufundisha kuwapenda maadui zetu na kuwakarimia wote wanotukwaza au kutulipizia mabaya.katika maisha yetu ya kawaida, mara nyingi tunatarajia malipo kwasababu ya matendo yetu mema kwa wengine.tunashindwa kutoa bila kutokujifikiriatutafaidika nini.

Leo, tunaaalikwa kutoa bila kufikiria malipo.upendo haujitafuti wenyewe bali kama Mungu alivyo upendo hutoa bila kujifikiria. Mungu ni mwema kwa wote, hata waovu.Yesu anatuahidia Baraka tele kama na sisi tutajitoa kama Mungu afanyavyo. Kwa kufanya hivyo, tutapata utimilifu wa malipo ya kimbingu. Somo la kwanza linatualika kuweka ndani mwetu hekima ya Kristo.