Masomo ya Misa: Ijumaa ya 4 ya Kwaresima, Ijumaa, 11 Ma

Somo la Kwanza

Hek 2:1, 12-22

Wasiomsadikia Mungu wasema hivi, huku wakifikiri yasiyo kweli, Zaidi ya hayo na tumwotee mtu wa haki, maana hatuna haja naye, naye yu kinyume cha matendo yetu; atukaripia ya kama tumeiasi torati, na kutushitaki ya kama tumekosa adabu. Asema ya kwamba anamjua Mungu, na kujiita mtumishi wa Bwana. Ametuwia magombezi ya fikra zetu. Hata kumtazama twaona ni kugumu; maana maisha yake si sawasawa na maisha ya wengine, na mwenendo wake wa kigeni. Tunahesabiwa naye kuwa kama madini hafifu; anayejitenga na njia zetu kama na uchafu. Wnye haki wasema kuwa mwisho wao ni heri; hujivuna ya kwamba Mungu ndiye baba yake. Haya na tuone kama maneno yake ni kweli; tufanye kujaribu yatakayompata wakati wa mwisho wake; mradi mwenye haki akiwa ni mwana wa Mungu, Yeye atamtegemeza na kumwokoa mikononi mwa adui zake. Na tumhakikishe kwa jeuri na maumivu, ili tujifunze upole wake na kuithibitisha saburi yake akidhulumiwa. Hata tumhukumu auwae mauti ya aibu, maana ataangaliwasawa sawa na maneno yake. Ndivyo walivyosemezana, wakakosea kabisa. Kwa maana uovu wao uliwapofusha; hawakuzijua siri za Mungu; wala hawakuutarajia mshahara wa utakatifu, wala kudhani ya kwamba iko thawabu kwao wenye roho zisizo na hatia

Neno la Bwana. — Tumshukuru Mungu.

Wimbo wa Katikati

Zab 34:16-20, 22

Uso wa Bwana ni juu ya watenda mabaya, Aliondoe kumbukumbu lao duniani.
Walilia, naye Bwana akasikia, Akawaponya na taabu zao zote.
(K)Bwana yu karibu nao waliovunjika moyo

Bwana yu karibu nao waliovunjika moyo, Na waliopondeka roho huwaokoa.
Mateso ya mwenye haki ni mengi, Lakini Bwana humponya nayo yote.
(K)Bwana yu karibu nao waliovunjika moyo

Huihifadhi mifupa yake yote, Haukuvunjika hata mmoja.
Bwana huzikomboa nafsi za watumishi wake, Wala hawatahukumiwa wote wamkimbiliao.
(K)Bwana yu karibu nao waliovunjika moyo

Injili

Yn 7:1-2, 10, 25-30

Na baada ya hayo Yesu alikuwa akitembea katika Galilaya; maana hakutaka kutembea katika Uyahudi, kwa sababu Wayahudi walikuwa wakitafuta kumwua. Na sikukuu ya Wayahudi, Sikukuu ya Vibanda, ilikuwa karibu. Hata ndugu zake walipokwisha kukwea kuiendea sikukuu, ndipo yeye naye alipokwea, si kwa wazi bali kana kwamba kwa siri. Basi baadhi ya watu wa Yerusalemu wakasema, Je! Huyu siye wanayemtafuta ili wamwue? Na kumbe! Anena waziwazi, wala hawamwambii neno! Yamkini hao wakuu wanajua hakika ya kuwa huyu ndiye Kristo? Lakini huyu twamjua atokako; bali Kristo atakapokuja hakuna ajuaye atokako. Basi Yesu akapaza sauti yake hekaluni, akifundisha na kusema, Mimi mnanijua, na huko nitokako mnakujua; wala sikuja kwa nafsi yangu; ila yeye aliyenipeleka ni wa kweli, msiyemjua ninyi. Mimi namjua, kwa kuwa nimetoka kwake, naye ndiye aliyenituma. Basi wakatafuta kumkamata; lakini hakuna mtu aliyeunyosha mkono wake ili kumshika, kwa sababu saa yake ilikuwa haijaja bado.

Injili ya Bwana. — Sifa kwako, Ee Kristo.

Maoni (0)

Bado hakuna maoni. Kuwa wa kwanza kutoa maoni.

Ingia utoe maoni