Masomo ya Misa
Jumamosi ya 3 ya Majilio (Jumamosi, Desemba 23, 2023)
Mal 3:1–4; 4:5–6
Bwana Mungu asema: Angalieni, namtuma mjumbe wangu, naye ataitengeneza njia mbele yangu; naye Bwana mnayemtafuta atalijilia hekalu lake ghafula; naam, yule mjumbe wa agano mnayemfurahia, angalieni, anakuja, asema Bwana wa majeshi. Lakini ni nani atakayestahimili siku ya kuja kwake? Kwa maana yeye ni mfano wa moto wa mtu asafishaye fedha, ni mfano wa sabuni ya mtu afuaye nguo; naye ataketi kama asafishaye fkama asafishaye fedha na kuitakasa, naye atawatakasa wana wa Lawi, atawasafisha kama dhahabu na fedha; nao watamtolewa Bwana dhabihu katika haki. Wakati ule ndipo dhabihu za Yuda na Yerusalemu zitakapopendeza mbele za Bwana, kama katika siku za kale, na kama katika miaka ya zamani. Angalieni, nitawapelekea Eliya nabii, kabla haijaja siku ile ya Bwana, iliyo kuu na kuogofya. Naye ataigeuza mioyo ya baba iwaelekee watoto wao, na mioyo ya watoto iwaelekee baba zao, ioli nisije nikaipiga dunia kwa laana.
Zab 25:4–5, 8–10, 14
Ee Bwana, unijulishe njia zako,
Unifundishe mapito yako.
Uniongoze katika kweli yako,
Na kunifundisha.
Maana wewe ndiwe Mungu wa wokovu wangu.
(K) Changamkeni, mkaviinue vichwa vyenu, kwa kuwa ukombozi wenu unakaribia.
Bwana yu mwema, mwenye adili,
Kwa hiyo atawafundisha wenye dhambi njia.
Wenye upole atawaongoza katika hukumu,
Wenye upole atawafundisha njia yake.
(K) Changamkeni, mkaviinue vichwa vyenu, kwa kuwa ukombozi wenu unakaribia.
Njia zote za Bwana ni fadhili na kweli,
Kwao walishikao agano lake na shuhuda zake.
Siri ya Bwana iko kwao wamchao,
Naye atawajulisha agano lake.
(K) Changamkeni, mkaviinue vichwa vyenu, kwa kuwa ukombozi wenu unakaribia.
Shangilio
Aleluya, aleluya,
Ee Imanueli, Mfalme na Mwanasheria wetu, njoo ukatuokoe, ee Bwana, Mungu wetu.
Aleluya.
Lk. 1:57 – 66
Ikawa, siku za kuzaa kwake Elisabeti zilipotimia alizaa mtoto mwanamume. Wakasikia jirani zake na jamaa zake, wakafurahi pamoja naye.Ikawa siku ya nane wakaja kumtahiri mtoto wakataka kumpa jina la babaye, Zakaria. Mamayeakajibu akasema, La, sivyo; bali, ataitwa Yohani. Wakamwambia, Hapana mtu katika jamaa zake aitwaye jina hilo. Wakamwashiria babaye wajue atakavyo kumwita. Akataka kibao, akaandika kwamba, Jina lake ni yohane. Wakastaajabu wote. Papo hapo kinywa chake kikafunguliwa na ulimi wake pia, akaanza kunena akimsifu Mungu.Wakaingiwa na hofu wote waliokuwa wakikaa karibu nao; na mambo hayo yote yakatangazwa katika nchi yote ya milima milima ya Uyahudi. Na wote walioyasikia wakayaweka mioyoni mwao, wakisema, Mtoto huyu atakuwa wa namna gani. Kwa sababu mkono wa Bwana ulikuwa pamoja naye.
Maoni
Ingia utoe maoni