Jumamosi ya 8 ya Mwaka

Wapenzi, nitamshukuru na kumsifu, na kulihimidi Jina la Bwana. Mimi nilipokuwa kijana, kabla sijasafiri bado, naliitafuta hekima kwa bidii katika sala yangu, na mbele ya hekalu nikaomba, nami hata mwisho nitazidi kuitafuta. Ikachanua kama zabibu inavyoiva, na moyo wangu ukapendezwa, na mguu wangu ukaenda katika njia iliyo sawa. Tangu ujana wangu nikafanya kuaua, nikaliinamisha sikio kidogo, nikaipokea, nikajipatia mafundisho tele. Kwangu nira yake ikawa utukufu, nami nitamshukuru Yeye aliyenifundisha. Kwa maana nalikusudi kujizoeza nayo, nikajitahidi katika yaliyo mema, wala sitatahayarishwa. Roho yangu imeshindana kwa nguvu ndani yake, na mintarafu kutenda kwangu nalikuwa mwangalifu; nikainyosha mikono yangu juu mbinguni, nikaulalamikia ujinga wangu. Nikaielekeza roho yangu moja kwa moja kwake, na katika unyofu nikaiona; tangu mwanzo nikajipatia ufahamu, na kwa hiyo sitakataliwa milele.

Sheria ya Bwana ni kamilifu,
Huiburudisha nafsi.
Ushuhuda wa Bwana ni amini,
Humtia mjinga hekima.

K. Amri ya Bwana anafurahisha moyo.

Maagizo ya Bwana ni ya adili,
Huufurahisha moyo.
Amri ya Bwana ni safi,
Huyatia macho nuru.

K. Amri ya Bwana anafurahisha moyo.

Kicho cha Bwana ni kitakatifu,
Kinadumu milele.
Hukumu za Bwana ni kweli,
Zina haki kabisa.

K. Amri ya Bwana anafurahisha moyo.

Ni za kutamanika kuliko dhahabu,
Kuliko wingi wa dhahabu safi.
Nazo ni tamu kuliko asali,
Kuliko sega la asali.

K. Amri ya Bwana anafurahisha moyo.