DESEMBA 16, 2018.
------------------------------------------------
DOMINIKA YA 3 YA MAJILIO – JUMAPILI YA FURAHA

Somo la 1: Zef 3: 14-18 Nabii anawaambia watu wake wasiwe na moyo wa hofu na pia Yerusalemu wafurahi kwani Bwana yupo katikati yao.

Wimbo wa Katikati : Isa 12: 2-6 Watu wa Sayuni wapaze sauti na waimbe kwa furaha, kwani Mtakatifu wa Israeli yupo katikati yao.

Somo la 2: Fil 4: 4-7 Paulo anawaambia Wafilipi wafurahi katika Bwana daima kwani anakuja na furaha na Amani ambayo haiwezi kuelezeka kwa akili ya Mwanadamu.

Injili: Lk 3: 10-18, Injili inaongozwa na wito wa Yohane Mbatizaji kuhusu toba, watu wanamuuliza wafanye nini naye anawajibu watubu.
------------------------------------------------

FURAHINI KATIKA BWANA FURAHINI

Jumapili ya tatu ya Majilio inajulikana kama Dominika ya Gaudete au Dominika ya furaha. Hii ni kwasababu Antifona ya misa, inatualika “tufurahi katika Bwana daima, na tena tufurahi kwasababu Bwana yupo karibu” (Flp 4:4-5). Neno Gaudete ni neno la kilatini lenye maana “furahi*. Majilio kuwa kipindi cha kujiandaa kwa ujio wa Masiha (ujio wake kwa Noeli na ujio wake katika Maisha yajayo), kwa jumapili ya tatu ya majilio tupo nusu ya kipindi cha majilio, na hivyo kuna haja ya kufurahi tunapoona lengo letu linakaribia “Bwana yu Karibu”.

Miaka mingi iliyopita mwanafunzi mmoja wa chuo alikuwa akifanya kazi kama mhasibu, kwenye supermarket moja. Siku moja akiwa anajaza kumbukumbu katika karatasi. Akawaona wana ndoa wawili wazee wanaingia ndani huku wakimbeba mtoto mdogo wa kike katika kigari kidogo cha watoto. Alivyotazama yule mtoto kwa karibu akaona kama ananinginia katika kiti chake. Akatambua kwamba hana mikono wala miguu na shingo pia. Alikuwa amevaa kagauni kekundu chenye alama. Wale wana ndoa wazee walivyo msogeza yule mtoto karibu na yule kijana, yule kijana akampatia yule mtoto kitu Fulani cha kuchezea. Yule kijana akapokea hela kutoka kwa wale wazee, lakini huku akiinua kichwa na kumtazama yule mtoto, yule mtoto hakuacha kumchekea kwa furaha kubwa sana ambayo hajawahi kuiona. Gafla huyu kijana alivutwa na jinsi huyu mtoto alivyo vutwa naye na kujikuta anamtazama kwa akili zake zote. Huyu mtoto alimtoa kutoka katika hali ya kutokuwa na furaha hasa akiwaza maisha ya chuoni na kumleta katika ulimwengu wa furaha, ulimwengu wake wa furaha, upendo na kujali. Kwa kuwasha mshumaa wa tatu wa Majilio, tunaitwa na kukumbushwa kwamba tunaitwa tufurahi zaidi katika ulimwengu wetu wa mateso na uchungu.

Katika kitabu chake, “Muache Mungu akubariki” John Killinger alimalizia kwa changamoto: Mruhusu Mungu akubariki. Usijitazame na kuangalia jinsi maisha yalivyo magumu. Tazama huko na huko uweze kuona jinsi maisha yalivyojazwa na fumbo na uzuri ndani yake. Tazama ni kwa jinsi ghani ulimwengu unapendeza. Tazama jinsi ulimwengu unavyopendeza wakati unajua Mungu yupo kazini akiukomboa na kuwaondoa wale wanao uharibu, ili ubinadamu na utakatifu na huruma na kiu ya kutaka haki na Amani ijazwe na thamwabu iwepo katika maisha ya milele. Mpe Mungu shukrani kwa zawadi ya uwepo wake. Alafu tazama huku na huko uangalie utaweza kumshirikisha nani. Na ambaye atakufanya tajiri wa furaha ya Kimungu.

Kama utatamani kuishi hivi kila siku, utakuwa na jambo ndani ya moyo wako kabla huja kaa pamoja katika mstari wa wafuasi. Furaha itatiririka ndani ya moyo wako kama mto na utalala kitandani mwako usiku kwa furaha. Na utasema, “Litukuzwe jina la Mungu wetu milele na milele, anayetuita daima katika sheria mpya ambapo wenye haki watakuwa wakiimba daima”.

Bwana yupo karibu, Bwana yupo katikati yako, Zefania anatabiri kwa kuongea maneno ambayo Yesu angekuja kuyasema baadaye “walipo wawili au zaidi kwa jina langu mimi nipo katikati yao… nipo nanyi siku zote”. Yeye ni Emmanueli-Mungu pamoja nasi. Yesu pamoja na Zefania wanaliongelea kanisa, watu wa Mungu, mwili wa Kristo. Roho wa Yesu ndiye kifungo kinacho ishi, kinachotuweka pamoja na kuwa wamoja, na hata kama kundi la wanadamu linalo ongozwa na namna moja ya maisha, Yesu mwenyewe yupo katikati yetu, wito wetu na furaha yetu ni kushangilia na kufurahi.

Furaha ni nini? Ina majibu mengi, lakini furaha kamili ni kule kuwa na uhakika kwamba upo na Mungu na Mungu mwenyewe ndiye anayeongoza maisha yako. “Kwa Mungu wangu ipo furaha ya moyo wangu” Isaya anasema, “kwani amenivika vazi la ukombozi”. Furaha pia inaelezwa kama hali ya moyo na akili ambayo inakuja kwasababu ya kukutana na ndugu zetu, kufungua mioyo yetu kwao, kuwa sehemu ya mateso yao na furaha yao. Tunapata furaha kwa yale ambayo tunawapimia wenzetu na kuwashirikisha. Lakini pengine furaha kubwa ni ile hali ya kusamehe, hali ya kusamehe na kusamehewa. Ndio maana furaha kubwa imeshikwa na Mungu, ambaye ndiye anaye jenga na kuunda msamaha wenyewe. Tunaweza kufuharia furaha ya Kimungu pale tunapo wasamehe wengine, sio mara moja tu lakini daima na daima. Kuna furaha moja tunaweza kuwa nayo ambayo tuna hakika nayo, nayo ni kusamehewa na Mungu..na wale tulio wakosea.

Kwa kipindi hichi cha majilio tufanye maamuzi ya kweli ya kumruhusu Mungu atubariki atupe matumaini mapya na kutuwekea hali mpya ya kuishi. Tuishi tukiwa na maana kwamba giza la wakati huu sio lengo letu la mwisho la maisha yetu, yapo mengi yanayokuja. Katika njia hii tutaanza kupata furaha kama mto ndani yetu, kama ile ya Bikira Maria, Yosefu, wachungaji na wafalme.

Sala:
Bwana Yesu, ninakusubiri kwa makini nikisubiri kupokea uponyaji wako na uhuru. Yesu tusaidie tukurudie, tunaomba tuone uso wako na tujazwe na furaha. Yesu, nakutumaini wewe.
Amina