Jumatatu, Mei, 21, 2018,
Juma la 7 la Mwaka


Yak 3: 13-18;
Zab 19: 8-10, 15;
Mk 9: 14-29


ONDOKANA NA KUTOKUAMINI!
Leo, tunarudi tena katika kipindi cha kawaida cha mwaka wakanisa, baada ya kipindi kirefu cha Kwaresima na Pasaka. Leo katika Injili, tunamuona Baba wa kijana aliyepagawa na pepo akitoa sentensi yenye kushangaza, kwamba “nina imani. Naomba uniongezee imani katika Imani hii ndogo nilionayo”. Hili pengine ni kipingamizi cha kukuwa kwetu kiroho katika maisha ya Kikristo, ya kwamba, kuwa na imani hafifu au Imani ya mashaka. Huyu mtu, ni kama alikuwa anasema, pamoja na kwamba ana Imani na yale Yesu anayoyafanya, bado alikuwa na mashaka. Baada ya kugundua Imani yake ya mashaka na kukukiri, sasa anapata Baraka kubwa.

Kama tunataka kukuwa ndani ya Kristo, tunapaswa tugundue kwamba, inawezekana hatumuamini Yesu sana kama tunavyopenda kumuamini. Kitu cha pekee na kizuri ambacho tunaweza kufanya mbele ya Yesu nikusimama mbele yake na kusema kwa makini kabisa kutoka ndani ya mioyo yetu, “Naamini Bwana, lakini nisaidiye katika mashaka yangu.

Sala:
Bwana, nakuomba unipe neema niondokane nakuto kuamini kwangu.
Amina.