Jumatano, Novemba 13, 2024.
Juma la 32 la Mwaka

Tit 3:1-7;
Zab 23
Lk 17: 11-19.


SHUKRANI!

“Shukrani inafungua ufunguo wa ukamilifu wa maisha.” Inabadilisha tulicho nacho kuwa katika hali ya ukamilifu na zaidi, inabadilisha kukataa kwenda kwenye kukubali, mchanganyo kwenda kwenye unyoofu na uhakika. Inaweza kubadilisha chakula kwenda kwenye sherehe, nyumba na kuwa nyumbani, adui kuwa rafiki. Shukrani inaleta maana kwa yale ya zamani, inaleta Amani kwa leo na kuleta mwanga kwa kesho.

Tukiwa tumepewa muda mwingi katika maisha yetu, tunachukulia vitu kwa mizaha. Afya na furaha ndicho tunacho tafuta kila siku katika maisha yetu. Na tukiwa katika mahangaiko ya kutafuta lengo letu katika dunia hii iliojaa mambo tunapoteza utu wetu na kusahau kwamba sisi ni watoto wa Mungu. Watoto wanapaswa kurudi kwa Baba yao kila wakati kwa shukrani.

Kitu cha kwanza tunachofundishwa ni kusema “nashukuru”. Na sisi tunatambua kwamba tunafurahi tunavyo ambiwa “nashukuru”. Na hata wakati mwingine tunataka watu wawe watumwa wetu kwasababu tuliwatendea jambo, waendelee kukuambia tu “nashukuru” Lakini inapokuja nikumpa Mungu asante mara nyingi tunasahau. Wakoma wote kumi waliponywa lakini ni mmoja tu aliyerudi kwenda kumwambia Mungu asante, tena ni Msamaria. Tambua kuwa huyu Msamaria alifanya mara moja tu baada ya kuponywa. Kwanza alirudi akimtukuza Mungu kwa sauti kuu. Hili ndilo la muhimu lilolotokea. Hakurudi tu kwenda kusema kushukuru lakini shukrani yake aliionesha katika hali ya huruma. Pili, huyu mtu “alianguka miguuni pa Yesu na kumshukuru” hili halikuwa jambo la kawaida tu kwa huyu Msamaria. Ishara ya kuanguka miguuni pa Yesu ni ishara nyingine ya shukrani. Si kwamba alikuwa anapalekwa sana na hisia zake bali alinyenyekea kwa kuponywa kwake. Inaonesha kwamba mkoma huyu alitambua kutokustahili kwake mbele ya Yesu. Hili ni tendo jema linalo onesha kwamba kusema tu nashukuru haikutosha. Bali shukrani ya ndani ni muhimu. Shukrani na unyenyekevu inapaswa kuwa daima jibu letu kwenye uzuri wa Mungu.

Tafakari leo, juu ya shukrani yako kwa Mungu. Je, shukrani yako kwa Mungu ni kubwa kiasi ghani? Je, unaona yale yote ambayo Mungu anatenda kwako? Kama sio hivyo, fanya kama huyu mkoma nawe utapata furaha ya kweli.

Sala:
Bwana, ninaomba nikurudie kila siku kwa shukrani na msamaha wa kweli. Ninaomba nione yale yote unayofanya kwangu na ninaomba nijibu kwa shukrani ya moyo. Yesu, nakuamini wewe.
Amina