Tafakari ya Pasaka
Ijumaa, Aprili 5, 2024
Oktava ya Pasaka

Mdo 4:1-12
Zab 118:1-2,4,22-27
Yn 21:1-14


UFUFUKO: WITO MPYA

Leo, tunasikia tena habari nyingine ya ufufuko ya Bwana kuwatokea wafuasi wake. Baada ya kuona hamna namna nyingine na kuamua kurudi katika kazi yao ya uvuvi, wakiwa wamekata tamaa na kuchoka, wanarudi ufukweni mwa bahari bila kupata kitu. Mara moja wanamsikia Yesu, (hawakumtambua) akiwaambia waende kuvua tena upande mwingine. Walimtii na tazama nyavu zilijaa samaki wengi. Muujiza huu ulitosha kwa Yohane kutambua kuwa ni “Bwana”.

Hiki kitendo cha kushika samaki wengi kilikuwa kama zawadi ya Yesu kwao kuwasaidia katika kazi yao. Ilikuwa ni ishara kubwa. Ishara kubwa ni kwamba Yesu alikuwa akiwapa mitume wito mpya. Walikuwa sasa sio kuwa tena wavuvi wa samaki, bali wavuvi wa roho za watu. Na kwamba kama watajaribu kufanya haya kwa nguvu zao wenyewe, wataishia kutokupata kitu. Lakini kama watafanya kwa amri ya Bwana, watapata matunda mengi. Hata kwa jinsi wasivyo dhani.

Muujiza huu wa Yesu unaanza kufunua kwa mitume na kwetu pia juu ya wito wa kuhubiri habari njema ulimwenguni. Ufunuo huu ulikuja baada ya ufufuko, ambapo Yesu anawapa mitume maelezo wa kuchukua ujumbe wa ukombozi. Tunapaswa kuona katika muujiza huu juu ya wito wetu wa kuhubiri habari njema. Na tunapaswa kuona katika muujiza huu kutangaza habari njema kwa amri ya Yesu, katika hali yake na ndani ya mapenzi yake.

Mara nyingi wakristo wanakuja na mawazo mazuri ya jinsi ya kuhubiri Injili. Lakini ufunguo ni kujinyenyekesha sisi wenyewe mbele za Mungu na kutambua kwamba sisi hatuwezi kuhubiri habari njema bila kuongozwa na Yesu katika muelekeo sahihi. Tunapaswa kuisikiliza sauti yake na kuitika wakati anaelekeza. Kuhubiri habari njema ni jibu zuri la kuitika wito wa Yesu zaidi ya kitu chochote ambacho twaweza kufanya. Tunapo endelea na kipindi cha pasaka ni vizuri kila mtu akatafakari juu ya jukumu lake la kuhubiri habari njema. Tumuache Bwana aongee na sisi nasi tufuate muelekeo wake. Mungu anapenda kututumia sisi, tumpe nafasi.

Sala:
Bwana, nipo tayari unitumie kuhubiri habari njema. Nisaidie kwa ujasiri niweze kuitika wito, na nisaidie nifuate kwa uaminifu muelekeo unao niongoza. Yes, nakuamini wewe.
Amina