Jumapili, Mei 19, 2019
Dominika ya 5 ya Pasaka

Mdo 14: 21-27;
Zab 145: 8-13;
Ufu 21: 1-5;
Yn 13: 31-35.


KUWA KIUMBE KIPYA!
Pasaka nikipindi ambacho tunakumbuka na kushangilia maisha mapya yalioletwa kwetu na Yesu mfufuka. Neno “upya” linatokea mara nyingi katika masomo yetu ya leo. Somo kutoka kitabu cha ufunuo linaongelea kuhusu Mbingu “mpya” dunia “mpya” na Yerusalemu “mpya”. Somo kutoka kitabu cha matendo ya Mitume linaongelea kuhusu roho “mpya”. Injili inaongelea kuhusu amri “mpya”. Nikitu ghani “kipya” pasaka hii katika maisha yako? Bila shaka ni maisha mapya ndani ya Kristo.

“Maisha Mapya” kubadilika maana yake mabadiliko halisi ya maono yetu ya yale tunayoyapa vipao mbele katika maisha yetu. Inamaana mitazamo mipya, maadili mapya, mtizamo mpya wa juu kabisa wakuhusiana na Mungu, watu na viumbe vyote. Katika Injili Yesu anaongelea kuhusu msingi na kiini cha mafundisho yake na ujumbe wa neno lake la mwisho ni UPENDO, kupenda kama alivyotupenda sisi. Hii ndiyo amri “Mpya”. Ili kuleta hali hii mpya ya Mapendo katika maisha yetu inatubidi kuwa na aina tofauti ya kufikiri, kuona, tabia, na jinsi ya kuhusiana na wengine. Kwani mfuasi wa Kristo anajulika kwa jinsi anavyo PENDA.

UPENDO ni nini? Neno analo litumia Yohane ni “AGAPE” (neno la Kigiriki). Ni kwenda nje ya nafsi zetu katika hali ya kuwajali wengine na usalama wao, bila kujali kama wao watanilipa au la. Ni huruma ambayo aliionesha Yesu kwa wadhambi na walio onekana wabaya kwenye jamii. Ni hali ya juu kabisa ya kujali mafanikio ya mwingine, hata kama mtu huyo alinisababishia magumu, au ninaye amini ameniumiza au kuniangusha au pengine mwingine ambaye anatabia ambayo hainipendezi. Ndio maana mfuasi wa kweli wa Kristo hana maadui. Hili ndilo analolifanya Yesu kwa kuwaombea msamaha watesi wake waliompigilia msalabani. Yesu aliwajali, alikuwa na maana halisi ya AGAPE alipowaombea. Tunaona katika somo kutoka katika matendo ya Mitume, Paulo na Barnaba wanaonesha aina nyingine ya Agape. Walipitia magumu mengi na matatizo ili kuhakikisha tu ujumbe Wakristo unajulikana kwa watu wengi iwezekanavyo. Na wale ambao walikuwa tayari ni Wakristo waliwasaidia kwakuwatia moyo wayavumilie mambo yote yatakayo wapata kwasababu ya wao kuwa Wkristo.

Je, nina upendo wa namna hii, Agape? Leo ni siku ya kutafakari kama tunapenda, kujali, kuwa na huruma na kuwa watu waelewa. Je, ni watu wapi ninao wapenda na kuwajali? Ni watu wapi ambao siwapendi na sipendi kuwajali? Je, ninawapenda tu watu walio wa hali yangu, wenye uwezo, au wa dini yangu tu? Je ninawajali na kuwapenda wale waliyo nje na familia yangu na wasio marafiki? Je, ninawapenda na kuwajali wanao hitaji msaada wangu-Maskini, walio athirika na madawa ya kulevya, wanao nyanyaswa na waliotengwa na jamii? Kama hapana, kwanini? Nivizuri pia kujiuliza je, najipenda mwenyewe? Kikubwa kinachotupa ugumu katika kuwapenda au kuwasamehe wengine ni kwasababu yakupenda kulinda usalama wetu, nafsi, ambazo tunaogopa zitaumizwa. Ni wale watu pekee wanaojisikia wenyewe na kujikubali kwamba wanajipenda wanaoweza kutoka nnje ya nafsi zao nakuwapenda wengine bila kuwa na masharti ingawaje wanajua wanaweza wasipendwe au watumizwa.

Kama wafuasi wa Yesu, tukiwa tumejazwa na ujumbe wake wa Agape, kupenda kama alivyotupenda sisi, tunaitwa tukafanye kama yeye alivyofanya- kuwasaidia wafuasi wenzetu na kushirikisha imani yetu na upendo wetu kwa watu wengi iwezekanavyo. Tunaitwa tuwe watu tuliojawa na Agape kwani Mungu anakuja kwenye maisha ya watu kwa njia hii. Ili “dunia mpya, mbingu mpya, na Yerusalemu mpya “ iweze kuonekana sasa na siku zote. Ipo ndani yetu. Tunachopaswa kufanya nikufuata njia ya Yesu Bwana wetu.

Sala:
Bwana, tunakuomba utufanye watu waliojaa mapendo. Tunaomba tuwe upendo wako, ili kufanya upya uso wa vyote ulivyoviumba.
Amina.