Jumatatu, Novemba 18, 2019.
Juma la 33 la Mwaka wa Kanisa

1 Mak 1: 10-15, 41-43, 54-57, 62-64;
Zab 118: 53, 61,134, 150, 155, 158;
Lk 18: 35-43.


FUNGUA MACHO YA MOYO WANGU, NINATAKA KUKUONA WEWE

“…Wamefunga macho yao, hivyo macho yao hayaoni, wala mioyo yao haiwezi kuelewa, na hawawezi kunigeukia na kunifanya mimi niwaponye (Mt 13:15-16).”

Yesu wakati anakaribia Jeriko, akiwa njiani kuelekea Yerusalemu. Anarudia tena kuhusu kifo chake, ambacho ni sehemu muhimu katika utume wake. Lakini Wafuasi walishindwa kumuelewa. Wafuasi wa Yesu wanawakilishwa na alama ya mtu kipofu. Ni mhitaji, kwani ni muombaji. Hayupo kwenye njia bali pembeni. Analia ‘Mwana wa Daudi’, umuhimu wa Petro kumuungama.

Yesu, hamuiti huyu mtu mwenyewe bali anamuita kupitia kwa jumuiya iliyo mzunguka. Yesu hajifanyi kwamba anafahamu anachotaka huyu mtu, bali anamuuliza. Unataka nikufanyie nini? Huyu mtu ingawaje ni kipofu, anaweza kuona mambo ya zamani. Ilikuwa ni katika hali hiyo hiyo kama wafuasi. Waliona wakati Yesu alivyo waita, waliona wakati akiwa anawaponya watu, waliona wakati akiwalisha watu wengi. Lakini waliendelea kusahau, wakaendelea kuharibiwa na mambo,wakaendela kupoteza mwangaza wa mioyo yao. Kama walikuwa wanaelewa mafundisho yake, ingekuwa ni yeye anayewapa mwangaza. Yesu anamhakikishia yule kipofu kwamba ni Imani yake iliyo msaidia aweze kuona. Njia pekee ambayo mitume wangepaswa kuwa nayo ili waone. Ni Imani tu hakuna kitu kingine, inayowafanya mitume waweze kumfuata katika safari yake kwenda Yerusalemu, kwenda kwenye msalaba.

Katika safari yetu ya maisha pia, sisi pia tumekutana na Yesu, kwa namna ya pekee katika sakramenti. Lakini baadae tumefunga macho na kumfuata Yesu nusu nusu. Tumekuwa watu wakushangaa njia badala ya kumfuata moja kwa moja. Kama kipofu, kukaa karibu, tunapaswa kulia kwa sauti kutoka katika magumu yetu. Yesu atasikia sauti yetu, kwani anatutaka sisi tutembee naye njiani, kwenye njia pekee inayo ongoza kwenye maisha ya kweli.

Sala:
Bwana, wewe ni mwanga wa ulimwengu. Ninataka kukufuata wewe uliye mwanga wakutupeleka kwenye uzima. Ninaomba ufungue tena macho yangu, ili niweze kukuona na kukufuata. Yesu nakuamini wewe.
Amina.